好多人買新機賣舊機，好正常；亦有人買新機，舊機就留嚟做士啤，或者儲起做收藏，都好正常。其實舊機一樣可以有貢獻，執一執仲可以好靚仔添。
任何時候都有懷舊風，睇吓吹到邊個範疇。早幾年有大陸收音機推出復古外形收音機，馬上大賣，證明響現時數碼年代，偶爾懷懷舊確係有市場。i Ready O有一個復古外形，模形六七十年代的手提收音機，配返條皮色手帶，真係好有韻味。
 |
| 一個機身，同時支援iPhone 4及5系列。 |
 |  |
| 睇完解剖圖，或者可能有人會DIY。 | 橫放一樣靚仔，紅色掣就係Home鍵，機頂的四粒按鈕，兩粒音量掣係真的，另外兩粒係Dummy。 |
其實佢係一個藍牙喇叭，可以將一部 iPhone4/5（S都得）收納在內，配上合適的 Apps，馬上就化身成收音機顯示屏，變成又用得又睇得的好家具。機背上面有個大空位，可以收納 USB 線、耳機或者後備電池等雜物；機背下方凸出的先至係藍牙喇叭。藍牙喇叭部分性能雖然唔算好突出，但勝在可在獨立運作，直接播放記憶卡內的歌曲。
當然，插好部 iPhone，就可以收音機播電影都得啦。Kickstarter 價最平 USD70 一盒，呢間位處加拿大的韓裔設計師公司希望集資 60,000 加元開展計畫，不過截稿時仲有 12 天，仲欠萬三蚊加紙，成數可能未必真係咁高。可能係因為藍牙的問係，唯一可惜就係部機只支援 iPhone 4 及 5，點解唔支援埋 3GS 呀？我仲有部換咗新電冇用過呀。