潮流興航拍，不過航拍產品都進化得好多，短短兩三年連 Phantom 都出到第三代，直接上 4K 拍片，個個都當佢好似神器咁拜，但係市場上係咪又得呢 Phantom 3 同 DJI Inspire 1 選擇呢？咁又梗係唔會啦，今次Funky仔就會介紹另一個選擇畀大家。
呢隻 Yuneec Q500 相信大家都早已聽聞，不過佢近排都出咗 4K 版本，除咗可以 4K 拍片之外，拍 FHD 片仲有 120fps，再加上遙控跟埋一個 5.5″ FPV 芒，最緊要都係佢個 4K 攝影機同三軸穩定器可以拆落嚟用，平時拍片都難佢唔到，成套要萬零蚊好似好貴，其實同佢個 FHD 版都係爭少少之嘛。
查詢：科卓電腦（2688 5366）