去旅行大家都想盡情玩，搵食、搵路、聽歌、播片、打卡、分享樣樣都用數據，好多外地上網卡限住 1 日 500MB、1GB 真係未必夠用。收到張 B4travel 旅遊 SIM 卡，主攻港人常去嘅日本、韓國、台灣、新加坡同馬來西亞各地上網 SIM。
佢除咗提供傳統 5 日／7日卡（日本 $98／$128），數據 GB 數仲有高啲俾大家揀，例如常去日本有高達 20GB（$288） 計畫，台灣、新加坡分別又有 3 日 6GB Plan（$68）同 5 日 9GB Plan（$98），全部用當地 5G 高速上網之餘，又唔需要就住就住，萬一用過左 FUP 用量後，一樣有限速無限任用補底。
張旅行 SIM 可以支持到 Wi-Fi 熱點分享，俾多裝置嘅人用 Tethering 做分享。用卡亦都相當方便，抵達目的地後插入上網卡，打開埋該卡嘅漫遊即可自動啟用而佢採用嘅 Mini-SIM／Micro-SIM／Nano-SIM 三合一設計，新舊手機或者平板等都可以適用。
仲有一個比較貼心嘅位就係每個包裝都跟埋支針俾大家，就算上到飛機唔就得帶針，都仲可以打開 Packing 即時換到 SIM 卡，落地即刻有上網用。暫時未有機會試到，之後有測試再同大家報告。