雖然 Jetstar Hong Kong 尚未獲批牌照，同系公司 Jetstar Japan 將於本月底開辦香港─大阪航線，加入廉航戰團，平飛已經賣緊喇！
Jetstar 本來只有香港至新加坡一條航線（由 Jetstar Asia 營運），新增的香港至大阪航線則由 Jetstar Japan 營運，並將於 2 月 28 日啟航。 Jetstar 官網已經開賣新航線的機票，單程最平 $429（連稅 $675），來回最平 $858（連稅 $1,384），千五有找飛日本相當吸引！
 |
| 單程最平賣 $429 但日子選擇有限，好彩好多日子都係有 $469 / $499 / $599 飛賣，都唔算太貴吖！ |
班機時間方面，香港飛大阪的 GK62 班機為下午出發、傍晚到達，回程 GK61 則為早機返港。3 月 29 日起就改為 GK64 及 GK63 航班，去程 21：25 晚機出發、半夜 2 點到大阪，一係瞓機場、一係深宵 Check-in 啦！回程就下午 5 點幾機走，算有半日玩下。
一如其他廉價航空公司，以上票價當然未包寄倉行李同飛機餐，寄倉行李收費則由單程 $165（15kg）至 $325（40kg）不等。香港─大阪可說是廉航的主要戰場，本身已經有香港快運及樂桃航空兩家廉航，如今 Jetstar Japan 加入戰團，期望未來會劈得更勁！
至於以香港為基地的 Jetstar Hong Kong，至今仍有待政府審批牌照，加上遭受其他香港基地的航空公司反對，何時可以投入服務仍是未知之數。