自從 Facebook 新增 On This Day 功能後，每日打開 Facebook 都會重溫當年今日發生過啲乜、同過邊個一齊、影過咩相寫過咩文青心情 Status，回味那些年的自己。有啲日子未敢忘記，之但係，又唔係所有往事都咁值得回味。例如分咗手的前度、追唔到嘅女神、已逝世的親友等等。唔想 Facebook 三日唔埋兩日失驚無神同你重提舊人物，倒不如自行過濾。
Facebook On This Day 最近新增自選功能，畀用戶自行過濾唔想再重提嘅日子同朋友。在桌面版登入 Facebook 後，在主選單進入 On This Day 頁面，於右上角就可以看到「Preferences」按鈕，提供過濾設定。日子方面可以選擇一日或一段長時間嘅日子，仲可以揀遠至未來嘅 2016 年。至於朋友，即使已經被 Unfriend 或封鎖嘅人，假如對方曾經 Tag 過你或者有 Facebook 同你關係密切，仍有機會顯示在選擇之列上，一於過濾埋佢乾手淨腳，讓前塵沉澱於福島某地方。