書展年年去，除了各大書攤會推出折扣優惠，或派發優惠劵吸引顧客，仲有其他小貼士，例如裝 App 免費送書展入場劵等等，各位入場人士要留意啦！
 |  |
| 書展場內外都有 keewee 宣傳板，在宣傳板前開啟 App 就有機會得到入場劵或 Pacific Coffee 優惠劵。 | 收藏後要簡單登記帳戶，仲要記得到入口處兌換優惠劵！（小記就大頭蝦唔記得咗……） |
1. keewee App 送書展入場劵
裝個App就送入場劵咁筍？冇錯，在 7 月 15 日至 21 日書展期間，下載 keewee App 後，只需要在展覽廳 1 及 3 的六個 keewee 宣傳板，開啟此 App，每小時首 5 位成功的用戶就可以免費獲取香港書展 2015 入場券 或 Pacific Coffee 買一送一優惠劵。keewee App 採用 混合存在感測技術，無論用戶行到邊、有冇開個 App，都可以即時推播附近優惠。除了書展，App 內亦有推介其他城中熱門活動及提供優惠，一網打盡都幾方便。
 |  |
| 部分書攤只需下載及登記旗下Apps，就即送環保袋連買書折扣優惠。 |
2. 冇帶環保袋？場內有得送
自從實施膠袋徵費後，當局規定參展商不可免費派發膠袋予顧客，每個膠袋需額外收取$0.5。以往習慣去書展的常客可能都「有備而戰」，會帶備拖喼進場掃書；但一般訪客未必記得帶備環保袋，咁點算？其實場內不少書攤都有送環保袋，部分買滿指定金額就有得送，亦有部分直頭只需下載或登記書商 Apps，就即送環保袋。不過都呼籲大家，環保袋也是袋，不要拿過多造成浪費喔～
3. 預先列印優惠劵慳更多
書展場館大，入場書迷大多都事先做定功課，有自己心水書單，方便入場唔使盲中中，在茫茫書海中迷失方向。書商在網上亦有提供優惠劵，單單係官網上已經有68張，揀啱適合自己嘅書商優惠劵，預先印定再入場，慳得一蚊得一蚊啦！