屈指一算，Samsung 發表上一代旗艦機 Galaxy S6 同 S6 Edge 嘅時間已經相隔成 9 個月，睇嚟都差不多係時候推出下一代旗艦機。今日就有外媒報道指，Galaxy S7 將會配備壓力感應屏幕，可以感應按壓力度；你覺得聽落似 3D Touch？如有雷同，實屬巧合。好似係。
據消息指，Galaxy S7 將會在屏幕加入壓力感應功能，但暫時未知道詳情。另外有指新機將會具備 USB-C 接口，可以加快充電時間。鏡頭亦會升級，加強在低光源環境下的表現，以及會加入瞳孔掃瞄器。S7 同樣會具備弧屏版本 S7 Edge，早前亦有消息指 Samsung 聽取民意，S7 將會有得插卡；不過有冇得換電就五十五十，傳聞 S7 有得換，S7 Edge 就冇。
市場預料，Samsung 將會在 2 月底的世界流動大會（MWC）上發表 S7 及 S7 Edge，並於 3 月中正式推出市場。
來源：Wall Street Journal