話說一套名叫《拜託了小叮噹》嘅電影海報同預告片，近日喺網上流傳，引起網民熱議。海報上嘅背景係叮噹漫畫內嘅經典公園場景，一眾角色打扮亦同大雄、靜宜、技安、阿福如出一轍，唯獨是原本藍色的機械貓叮噹，變咗做灰色嘅真貓（仲有名你叫 William，而我不知道…）。當大家嘅焦點都落喺點解叮噹會變成小貓童年崩壞、山寨版有冇版權時，有冇懷疑過成件事可能只係一個廣告？
江湖傳聞，此片由淘寶資助製作，將於 9 月中在淘寶網上映。線索喺恐怖片版嘅預告片末。片段講述一個雷電交加嘅晚上，阿 William 貓由櫃桶爬出（！），片尾寫住出品人為 J.Ma。阿里巴巴集團董事局主席馬雲英文名為 Jack Ma，英文名縮寫正好是 J.Ma。加上淘寶網早前已正式與叮噹中國內地版權代理達成協議，用叮噹為形象代言人，製作廣告相當合理。
 |  |
| 淘寶早於 7 月已與中國內地版權代理達成合作協議，用叮噹（多啦A夢）為形象代言人。 | 資料顯示朱津京為廣告導演。（來源：好戲網） |
其次，海報上列明導演為朱津京。網上資料顯示，朱津京為職業廣告導演，曾獲多項廣告獎項，由他操刀拍攝廣告微電影，不意外。海報亦與一般的電影海報不一樣，連最基本嘅上映日期都冇，只係模仿風格同格式。
 |  |
最後就係海報中，無啦啦多咗隻疑似超人，身上條圍裙仲有大大個「貨」字；留意返，背景亦有「貨」字鳥居亂入。想表達咩呢？如果假設係廣告微電影，宣傳「打假貨」之類，似乎又合理。
當然以上純屬推測，至截稿為止，淘寶方面仍然未有回覆。真相可能要問 William 先知。
更新：淘寶網晚上發出官方回應指：「我們與哆啦 A 夢中國內地版權方早前已達成正式協議，雙方的合作範疇包括應用程式深度定制、以哆啦 A 夢製作宣傳短片、進行各類商業宣傳等。淘寶網在中國內地使用哆啦 A 夢形象具備合法授權。另外，相關媒體報導中提及的視頻屬於淘寶網的宣傳短片，並非真人版大電影。 」