香港人經常手機不離手，有不少人為了工作或遊戲，身上甚至會有兩部甚至三部手機，這些手機主要都是用來上網，因此用戶都喜歡配合一些抵玩的限速數據服務使用，難怪本地流動數據市場需求殷切。俗稱「藍卡」的中國移動香港「$80 4G/3G 數據及話音儲值卡」一向都頗受歡迎，中國移動香港約半年前為這張卡換上新包裝，當時市場已估中國移動香港會否出招，令這張卡性價比再提高。新玩法終於出台，只需 $68 即享 30 日限速本地數據組合，而首 3GB 的傳輸速度更達 7.2Mbps。
新玩法係點呢？買卡後就可以啟用呢個 30 日限速本地數據組合，30 日內用戶可享無限數據服務，首 3GB 網速 7.2Mbps，其後仍能以 384kbps 的網速繼續上網，毋須擔心會影響到工作，或遊戲進度甚至失聯；可能你會擔心 7.2Mbps 網速夠唔夠用呢？基本上社交平台打卡、上網瀏覽、用語音即時通訊、打 online 手遊等絕無問題，就連用來睇串流影片都一樣得，所以一般用戶一定夠用。
唔止咁喎，呢張卡內有 $80 儲值額，開卡後申請 30 日本地數據組合，扣除行政費後仍然有 $10 儲值額可作話音使用。老實講，市面上不少儲值卡一開卡時已抵銷所有面值，因此無法用到其他增值服務，連電話亦打唔到，相反中國移動香港今次新增的限速本地數據組合，可謂相當為用家着想。
在此順便提提大家，只要你用 MyLink App 或於中國移動香港網上商店購買「$80 4G/3G 數據及話音儲值卡」，就即刻打個八折比你，即是以 $64 優惠價錢就買到 $80 儲值卡。加上由現在至 2018 年 12 月 31 日期間，用 MyLink App 幫儲值卡增值，仲會有高達 40% 額外增值獎賞，確係抵上加抵，有幾抵即刻睇吓！所以話中國移動香港的「$80 4G/3G 數據及話音儲值卡」可以話係本地儲值卡首選呀！
