有舖「儲物癮」的人可能會知道，收藏品最好齊齊整整儲齊晒全部；Figure 要儲齊全套系列、LEGO 要齊款、集郵要集齊全套（唔好心邪），就算文具都要齊齊整整一套，少嚿擦膠都周身唔舒服。偏偏，儲即影即有相機儲到獲列入健力士世界紀錄大全的黃定敏（TM Wong）就話：「儲嘢其實永遠都唔想儲齊一套，因為儲齊咗就好悶！」
TM Wong 自少接觸即影即有後愛上這門獨特的藝術，廿年來收藏逾 1,200 部相即影即有相機，2013 年更打入健力士世界紀錄，成為世界第一的即影即有相機收藏家，難怪能夠豪言「無敵是最寂寞」。但他仍然以「垃圾佬」自居。「大部分收藏品均是從 eBay 上獲得，要有人肯保留長輩的物品，仲要肯拎出嚟放，咁我呢啲垃圾佬先有機會執到寶，所以好講運氣。」除此之外，他亦會與歐美各地的同好互相交換相機增加藏品。廿年來在收藏相機方面花費多少錢？「百幾萬啦，我其他方面好慳，買衫都只揀百幾蚊果種。」
 |  |
| 世界第一部量產的寶麗來相機及菲林，但買回來的價錢卻不算太貴，菲林連盒只是幾美元。 | 產自蘇聯的即影即有相機，除了內裡的三門盒形設計別樹一格，冷戰時代的蘇聯到底如何獲得相紙？自家生產還是黑市運入？背後的歷史故事也有待發掘。 |
擁有過千部相機，TM Wong 的家應該也有過千呎才放得下？「現實係好多機都只係放係貨倉，用防潮盒包好，定時抹下架喳。香港邊有咁大地方，sosad。」TM Wong 亦慨嘆，香港的相關圈子太小，能夠分享和討論的人不多。「收藏品的價值影響參與的人數，而即影即有相機不像 Leica 相機一般，有明顯的市場價值。即影即有相機業如果再遇下一次低潮，亦很可能會消失，未必再有白武士救得返。」
F11 攝影博物館正舉辦《INSTANT》展覽，展出 50 部 TM Wong 精選珍藏。如果閣下碰巧對即影即有相機有興趣，希望在這一代巧藝被巨浪吞噬前見證大時代的歷史，就不要錯過了。同場亦舉辦布魯諾．巴貝 Bruno Barbey –《1973 年以來的中國》攝影展，布魯諾．巴貝（Bruno Barbey）為法國馬格蘭攝影通訊社前會長兼攝影師，曾經隨法國總統喬治龐比度訪問中國，透過鏡頭紀錄中國大陸的另一面。
 |  |
黃定敏 TM Wong – 《INSTANT》 展覽
日期：2015 年 5 月 28 日(星期四) 至 7 月 15 日(星期三)
布魯諾．巴貝 Bruno Barbey –《1973 年以來的中國》攝影展
日期： 2015 年 5 月 28 日(星期四) 至 7 月 15 日(星期三)
地點： F11 相機博物館，香港跑馬地毓秀街 11 號
開放時間 ：請登入 www.f11.com 預約參觀