前排日韓版嘅《蜂蜜牛油味薯片》竟然出現炒價、炒價到幾十蚊一包，真係好 Crazy！食唔到又或者不屑買炒價薯片嘅「薯片控」，唔使覺得無癮，因為香港間中都有好嘢推出！卡樂 B 剛剛就宣布將燒烤口味進行改良及大革新，推出全新香濃升級版《燒烤味薯片》，又有新嘢試喇各位！
官方稱：「全新升級版《燒烤味薯片》除保留原有風味外，是次特別針對口味層次的濃郁度及豐富度進行改良。打開升級版包裝，濃郁的燒烤香氣將迅速觸動各位嗅覺神經，雞肉、牛肉、豬肉及多種蔬菜精製而成的味道層次分明，使肉味變得更香濃豐富，入口更有一份淡淡蔬菜甘甜滋味的餘韻，多變口感溢滿口腔，保證一試難忘！」
全新升級版《燒烤味薯片》由香港工場新鮮直接生產，免除空運及船運的延緩，產品於各大超級市場、便利店及零售店發售。另超量裝 200 克（波浪口感）只於指定日子發售。
雖然明知薯片無益又熱氣，不過人一世、物一世！只要平時均衡飲食、唔過量，間中食下無益嘅嘢，又有咩好怕喎！最緊要自己覺得「幸福」同「美麗」就得啦！