漫遊數據市場競爭認真激烈，既有主打平價的「鴨記卡」，近期網絡商又調低漫遊日費計劃，而且又有漫遊 Cloud SIM，認真多選擇。最近又有新品牌「自由鳥‧遨遊 SIM」打入市場，最平可以 $10 用足一日！
呢個新牌頭「自由鳥‧遨遊 SIM」，其做法同市面上可多地區使用的漫遊 SIM（如 Air SIM）有點相似，但做法略有不同，遨遊 SIM 與世界各地不同網絡供應商合作去提供服務。遨遊 SIM 一張卡即可用於超過 50 個國家，而且有一插即用唔需要花時間去設定 APN 的賣點。這張 SIM 卡更可以透過加購其他地區日費，留起日後使用，即係下次旅行又可以用此 SIM 在外地使用漫遊數據，唔需要再出去買過一張新卡。
[row][double_paragraph]
[/double_paragraph][double_paragraph]
[/double_paragraph] [/row]
作為新品牌，梗係有優惠益用戶，遨遊 SIM 推出六大旅遊熱點優惠價，日本、台灣、澳門、新加坡、馬來西亞及印尼日費只需 $10，屬於 4G 數據任用，而呢個任用係講緊每日每地區漫遊數據用量為 300MB，到達 300MB 後上網速度將被調整至不高於 128Kbps。每日 300MB 來講都叫夠用，而之後 128kbps 亦可滿足簡單 IM 短信或搵地圖需要。至於其他亞洲地區就 $24 一日、美加澳紐則 $40 一日、歐洲及中東就 $60 一日，收費算是可以啦。遨遊 SIM 更推出額外以 $399 購買 ZMI 2 合 1 WiFi 蛋連充電的優惠，最多 8 個人共享 Wi-Fi，更有 7,800mAh 電池容量，可做後備電池。
除了日費優惠，遨遊 SIM 仲大搞送 SIM 卡，由即日起到明早 9 點 59 分，完成指定步驟並透過 www.birdie.com.hk/earlybirdie 參加遊戲，就有機會得到 5 日 4G 任用嘅遨遊 SIM 一張，可於日本、台灣、新加坡、馬來西亞、印尼、澳門使用，名額 500 個，餘下 1,500 張會響第二至四回合送出，想拎免費 SIM 就要留意遨遊 SIM 官方 Facebook 專頁了。