星期三就到情人節，無論你身邊有另一半，還是有心儀對象都好，趁機為對方準備一份浪漫驚喜吧。但係目前時間淨返幾日，點樣可以臨急臨忙安排好情人節呢？
有心水都好 訂花要趁早
有時間觀念的你應該記得今年情人節隔兩日就農曆新年，大部分花店為應付市民情人節花束及年花的需求，情人節的花量較過往少，因此小記建議各位盡早訂花，否則有機會捱貴花。最起碼，你要知道對方鍾意收咩花，唔係浪漫就會變浪費。
花都有分好多種
無錯，除咗玫瑰，你可以送代表「愛的告白」嘅鬱金香，或者代表「不變的愛」嘅桔梗等。不過小記並唔係講品種，而係講緊鮮花、乾花、永生花等不同處理方法嘅花。簡單講，鮮花顏色同香味最自然，不過幾日就會凋謝；近年因韓劇大熱嘅木棉乾花睇得又擺得，只係顏色無咁鮮艷吸引；經加工嘅永生花一般可以保存兩三年，但係價錢亦係三種之中最貴。
[row][third_paragraph]
[/third_paragraph][third_paragraph]
[/third_paragraph][third_paragraph]
[/third_paragraph][/row]
攞花亦有技巧
始終每位女士對花嘅要求不同，訂花可以搵 Google 大神，或者試試由服務式網站 Hellotoby 幫你。訂花最好於 2 月 13 日攞貨，花價會比正日攞貨平，不過要留意花束底部有否足夠棉花讓花束吸水。如果你真係最尾一刻才訂花，有心理準備當天要自取花束，親手送畀對方。另外，等到 2 月 14 日先買的話，建議不要在花墟選購，有機會遇上任何電視網媒邀請你作現場訪問，就太尷尬了。
Hellotoby：按此
送幾多朵花代表咩？
要揀品種及處理方法之外，仲要留意數量，不同數量有不同意思，表錯情就唔好啦。如果想買少幾支，將部分預算撥入晚餐部分，小記建議你選擇韓式迷你花束之類嘅小型花束。小記身邊許多女士會覺得收到太大束花，拎住逛街同帶返屋企都比較麻煩，反而細細束容易拎。
民以食為天
訂花買花其實唔難，大不了落花店即買一束束現貨，甚至買一支靚少少都得，但如果你無安排晚餐食咩，搞到要即場等位，又無啖好食的話，束花為你加幾多分都好，分數瞬間倒扣到所餘無幾。
一定要食西餐？
情人節係咪一定要食西餐，要視乎對方與你咩關係喇，假如對方未係你另一半，西餐會比較穩陣。若然對方已經係你另一半，實行投其所好，打電話問幾間西餐廳都滿座的話，不妨考慮訂日式或韓式餐廳。例如小記上網見到韓烤餐廳訂座 2 月 13 至 15 日期間嘅情人節套餐，其中一款埋單七百有找，更有機會獲得韓國人氣木棉乾花一束（ 1,000 束，送完即止），最適合熱愛韓國嘅另一半，仲可以慳番買花洗費。
查詢及訂座：炑八韓烤（2786 0488）按此
情人節+餐廳 幫到你
無論邊種「搵食」，有要求就有難度。雖然網民話 Openrice 的食評好壞參半，但勝在餐廳資料夠齊，用進階搜尋就可以勾選餐廳地區、菜式及餐廳類型，連鎖餐廳定熱門小店都有，最近仲新增訂座日期及時間，方便將已滿座餐廳篩走。有些餐廳寫明「全單八折」、「訂座享情人節餐牌 8 折優惠」、「送 25 里數 / 30 積分」等優惠，讓用戶自行選擇。另外，許多網站也有情人節特集，讓貴人事忙的你以最快時間搵到心水餐廳，例如 Openrice 在情人節特集之下，就有海景餐廳及佳節訂座優惠。或者，想快速精挑細選情人節餐廳，你亦可以用「情人節+餐廳」搵 Google 大神幫手。
Openrice 情人節精選：按此
最後，如果連 Walk in 都唔得，不妨參考小編之前的做法，於超市買靚牛排二人齊齊煮飯仔，夠晒溫馨。
網上即訂酒店
可能你哋好耐無過二人世界，可能係無咩機會好好享受過，對另一半好啲又對自己好啲，間中花錢買開心亦值得。純粹訂兩位一晚酒店住宿的話，相信許多人識用賣廣告好落力嘅 Trivago 訂酒店，但係訂酒店之外，會唔會有新構思呢？
即興訂房無難度
享用完豐富情人節晚餐後，在最後一刻先決定入住酒店可以點算呢？其實各個酒店格價網都會有最後一分鐘優惠，例如 Lastminute.com 或 Last Minute Travel 等格價網，即使兩人都有選擇困難症，只要在格價網內設定好日子及香港地區，網站便會即時顯示各酒店房價，非常方便。
Lastminute.com：按此
Last Minute Travel：按此
晚餐酒店一 Take 過
若果以往和另一半於情人節幾乎離不開送花行街食飯，今次可以搞搞新意思，帶另一半去酒店食晚餐，順便悠閒地住一晚酒店，前題當然係先要預訂，同埋夠錢埋單啦。逐間逐間酒店網站去搵住宿連晚餐優惠的確相當費時，不過許多網站例如 Timable ，會介紹邊幾間酒店今年有情人節住宿連晚餐優惠，例如荃灣帝景酒店、尖沙咀嘅香港百樂酒店、土瓜灣 8 度海逸酒店等，有啲酒店仲可加幾百升級特別套房。以沙田麗豪酒店為例，情人節住宿計劃就包括半自助式晚餐/居食屋晚餐/泰越式情人節晚餐、入住特選豪華客房、精美情人節禮物一份等， $1,314 房價連加一及情人節晚餐，價錢算幾合理，啱心水就快快落訂喇。
查詢及訂座：麗豪酒店（2132 1111）：按此
Timable：按此