等的士冇的士、開罐頭冇罐頭刀、用釘書機就冇釘書釘、打波先嚟落雨。人生就係咁，所以老豆話男人點都要有件架生看門口。
以前隨身看門口，好多時係一把小小紅色萬用刀。近年愈來愈多廠製造不同形式萬用工具，而老牌 Leatherman 就有個新諗頭。將萬用刀化整為零，又化零為整，變成一條萬用手鍊。
呢條手鍊叫「Tread」，睇嚟係條裝飾手鍊，不過已經內藏 25 件工具，包括各種大小的螺絲批、六角匙、扳手、開瓶器、開罐器、玻璃鑿等，連拮 SIM Card 針都有埋，真係款式仲多過小形萬用刀。唔鍾意淨帶手鍊，仲可以額外買個表面配落去，便成萬用手表，真係唔會忘記帶出街囉。
售價由 USD150（約HKD1,167）起，忽然拎出嚟 show off 吓真係幾有型，又真係有實用價值，投資得過。
網址：http://www.leatherman.com/425.html