近來市場上多了不少千元以下的真無線耳機，好多朋友都問巴頓邊款入得過，巴頓就覺得用來連接手機輕鬆聽吓音樂無所謂，但如果真係要追求音色就一定係揀番有線耳機，而呢個星期就見到有零售商將兩款法國品牌耳機減價，由四折至半價不等，呢個價真係有得諗。
法國廠牌 EarSonics 的耳機一向堅持百分百由法國全人手製作，其嚴謹及精密度絕對受用家肯定。 S-EM6 V2 具備 6 個動鐵單元，高、中、低頻均設兩個單元，並用上三路分音設計。雖然外殼用上塑膠物料，但用料明顯比上代堅硬。至於導管設計方面有所改良，跟旗艦師兄 S-EM9 一樣採用三開孔導管設計，令高、中、低三頻的音質取向更平均，低頻份量適中的同時亦有良好的通透表現。此外， S-EM6 V2 依然採用可換線設計，是巴頓喜歡的CM兩針插頭，插座更穩固之餘市場上亦有不少升級線可供選擇。
不過，講到尾都係靚價最實際，旺角友誠大廈 8 樓英京影音做緊減價， S-EM6 V2 原價 $9,770 ，減價後 $3,680 就買到。同場仲有款 EarSonics Purple 五動鐵單元耳機一樣有減價，廠方將高級型號 Grace 的技術，結合 Velet V2 可調音設計、廠方獨有的 EVS 機體及 TRUEWAVE System 管道，令重播音源得到最佳相位，並大幅減低失真， Purple 原價 $12,800 ，減價後 $6,000 買到，半價都唔使。
查詢：英京影音 ( 2391 5331 )