香港人真係好鍾意食壽司，壽司店開完一間又一間，連鎖店小店樣樣有，甚至有壽司店特立獨行，自創本地驚嚇口味而「揚威國際」。迴轉壽司店元気寿司藉住二十周年，公布港人至愛五大經典壽司，大家又估唔估到係邊幾款？
 |  |
 |  |
 |
真係諗都唔使諗，第一位一定係三文魚壽司啦，香港人真係對三文魚到達狂熱程度；第二位原來係元気自家首創的炸蝦卷；其餘依次為辣味三文魚軍艦、芥辣八爪魚軍艦及飛魚子軍艦。
元気寿司業務總監葉育康透露，公司計畫進一步加強科技應用。除了現行由店員利用平板電腦點餐外，元気擬於 7 月開設全新的店舖，並推出全新的自助落單系統，方便顧客點餐，加快送餐速度；整個點餐、送餐的系統，以至廚房的顯示屏也會更新，優化營運流程。而旗下的手機 App 會員積分制度亦有望進一步擴大，例如積分除了可以兌換現金，將來也有機會可以兌換其他商戶優惠。公司亦計畫於於 5 月底革新餐牌，加入更多熟食。