MWC 2016 開展時間愈來愈近，有關即將亮相的兩大韓系機皇的消息就愈爆愈多。最新一單就係 LG G5，終於有人流出疑似「Magic Slot」配件圖。
 |
| 疑似「Magic Slot」配件其實睇落真係似握把，唔知係唔係輔助影相拍片用？ |
早前有消息指 LG G5 會有一個新穎的「Magic Slot」功能，可以藉此擴充至不同配件與功能云云。近日 Android Authority 就爆出獨家料，展示了一張疑似 G5「Magic Slot」配件圖。雖然張相就朦朦地，但都可以見到 G5 招牌的雙鏡頭設計，以及圓形的指紋辨識元件。下方凸出物當然就係疑似 G5「Magic Slot」配件。
呢件配件睇落有三份一部機咁大，凸出雄偉程度有成部 G5 咁厚，而上面又有兩個疑似按鈕，一個疑似轉盤及一個疑似開關的物體，加上張相又睇唔清，一時三刻都唔知係乜。不過又咁講，既然 G5 以影相為賣點，呢件大有可能是一件內置額外電池的拍攝握把，上面按鈕方便大家拍攝同轉換參數之用，諗落都不無道理。雖然未知道呢件疑似「Magic Slot」配件係有乜用，但見到 LG 為手機注入新元素，的確使 G5 令人期待。
來源：Android Aothority