《星球大戰：原力覺醒》電影預告片都出埋，各位星戰迷一定等得好心急啦。話說女版主行過銅鑼灣，赫然見到一班白兵來勢洶洶咁排晒陣喎，搞邊科？原來時代廣場由 10 月 24 日至11 月 15 日舉行星戰粉絲超級狂熱展，展出一眾星戰達人嘅珍藏模型，仲有最新嘅 Stormtrooper 嚟踩場添。
 |  |
 |  |
位於露天廣場的展覽雲集多位星戰粉絲的個人珍藏，包括 13 個 1：1 經典電影人物模型，以及絕版光劍、本地原型師手作模型，以及 16 隻限量珍藏 1：5 及 1：6 模型等。展區亦設有光劍攝影區，入場人士可以手持四色光劍扮 Jedi 影相打卡，單人雙人影都得。
11 月 27 日至 1 月 1 日仲會有第二擊，包括《星球大戰:原力覺醒》珍貴真人原大人像、Hot Toys 1：6 場景佈置及 LEGO 星球大戰大型展覽等節目。
 |  |
 |
不過最佳影相位，唔少得地面展覽廳嘅 8 隻 Stormtrooper，淨係 8 隻排排企都夠氣勢。女版主就話，識得影，緊係要自拍，又可以避開人群，又啱晒打卡；仲要記得低炒，齊齊望鏡頭。放膽啲嘅，仲可以有好多有甫士，睇示範。
 |  |
今次展覽部分展品由本地原型師 Ray Wong 親手製作，Ray 自小熱愛星戰電影，對電影中運用各種道具拍攝感到嘖嘖稱奇，遂投身原型製作行業，1999 年已製作星球大戰人物模型參加比賽。「最難係要做前期資料搜集，因為星戰 Die Hard 粉絲好多，模型細節唔可以出錯。而技巧方面，製作模型相等於用泥去畫畫，所以也需要掌握畫畫的技巧。」Ray 偏愛白兵，今次展覽展出的一套 Scout Troopers，他就先用泥雕好，再用矽膠倒模的方式去製作。
「雖然它只是小角色，甚至乎沒有對白，但就彷彿反映社會上有很多小人物，默默在幕後付出努力；我們這些做幕後製作的人感受特別深。」他形容在粉絲心目中，星戰彷如一個宗教。「Jedi 角色存在不少佛學元素；也有人形容，星戰三部曲就如聖經舊約，前傳就如新約，裡面含有哲學元素。甚至有資深粉絲練習光劍，當作一種運動；外國亦有為星戰而設的考試，考驗粉絲星戰知識。」數一句星戰教懂他的哲學格言，他說：「Do. Or do not. There is no try.」人生，本來就不會有第二次「嘗試」的機會。
星戰珍藏模型展優先睇：
星戰粉絲超級狂熱展詳情：
展覽日期：10 月 24 日至 2016 年 1 月 1 日
時間：上午 10 時至晚上 10 時
地點：時代廣場露天廣場及地面展覽廳