今時今日相信唔少人都會直播下打機或者錄下啲打機片，有時又會 cap 下啲打機畫面改下圖，不過呢啲行為有時真係會侵咗權自己都唔知，有見及此，任天堂喺噚日（11 月 29 日）公開咗全新嘅「於網絡平台使用任天堂遊戲內容相關規範」：
- 用家只可以於任天堂指定平台（見下文）上傳任天堂遊戲相關內容（包括影片、圖片等）作營利用途。只要不構成營利，用家仍然可以上傳內容至其他平台。
- 任天堂建議用家於製作內容時會加入自己的創作或評論。如影片或圖片只拷貝任天堂遊戲著作物，但沒有任何個人創作或評論會違反此規定。而利用任天堂系統功能，如 Nintendo Switch 的 Capture 鍵錄製的遊戲影片或圖片則不受此限。
- 用家於遊戲正式推出前只容許使用官方宣傳內容（如 Nintendo Directs 、遊戲宣傳片等）；於遊戲正式推出後，用家方可上傳該遊戲相關內容。
- 如上傳內容涉及第三方版權內容，用家除了需要遵守此規範外，亦需得到其版權持有方同意。
- 用家不得暗示或誤導觀眾其上傳內容是由任天堂或相關人士贊助或提供。
- 任天堂有權移除任何非法、不當、侵權或違反此規定的內容。
好正經睇唔明？官方都有出返 FAQ 解答大家，細佬就節錄啲相信係多啲人關心嘅同大家講下：
- 呢個規範嘅內容係包含片、圖同直播；
- 呢個規範嘅對象係個人，而適用於法人（指公司）；
- 任天堂指定可作營利嘅平台包括（名單會隨時更新）：
- Facebook —— Facebook Game Streamer、Facebook Level Up Program
- Niconico Douga/Niconico Live —— Niconico Creators Program 、 Niconico Channel
- OPENREC.tv —— OPENREC Creators Program
- Twitch —— Twitch Affiliate Program 及 Twitch Partner Program
- Twitter —— Amplify Publisher Program
- YouTube —— YouTube Partner Program
- 如果唔係直接利用任天堂遊戲內容嘅同人創作，就同呢份規範無關，而係受相關法律規範。任天堂話叫同人創作人自己去問法律意見；
- 喺公開活動錄製未正式推出嘅遊戲內容受呢個規定限制，任天堂可以隨時刪除相關內容；
- 有關「非法、不當或違反公序良俗的投稿」，係包括：
- 違反各國法例；
- 侵害任天堂知識產權；
- 妨礙任天堂產品或服務嘅正常運作，損害安全性嘅行為；
- 使用翻版軟件、經過改造嘅軟件、未得到任天堂批准而利用任天堂著作物嚟製作嘅遊戲軟件（例如自己畫隻馬利奧嘅自製遊戲），又或者不正當手法取得嘅軟件（偷跑？！）；
- 有關出術、破解、不當存取、規避技術上限制嘅手段，又或者可以用嚟進行改造嘅物件、工具或服務。
於網絡上使用任天堂著作物相關規範：全文
另外，過去投稿任天堂遊戲影片去 YouTube ，廣告費同影片作者分成嘅「 Nintendo Creators Program 」就已經停止咗接近新申請，將會喺 12 月底結束，而有關嘅網站就會喺 2019 年 3 月 20 日關閉。
