今日突然有人同我講街霸 II 會重出超任 Game 帶！我當堂就嚇一跳，打開張圖睇睇，然後就得啖笑。原來係一款以遊戲匣帶為造型、名為 Super BGame 嘅手機充電池。而第一彈就先推出街霸 II 超任 Game 帶造型嘅尿袋 ww。
但係最吸引細佬眼球嘅唔係超任 Game 帶嘅造型，而係佢有個極度抵死嘅好與壞玩法！
（右）壞玩法：插落超任（呢個真係笑死 ww ）、借咗唔還、攞嚟掉
講返個尿袋，總容量 8,000mAh ，足夠幫 iPhone 8 充兩次電。而且佢有兩個 USB 插槽，一個可以輸出 2.4A ，而另一個就可以輸出 1.8A ，可以同時叉兩部機，定價 ¥6,480（約 HK$450 ）。除咗個尿袋似超任帶之外，廠方連個包裝盒都抄足當年嘅超任版《街霸 II 》設計，而家預訂仲有鎖匙扣送！
