過新年，大家可能會忙於拜年，不過新正頭，喜慶事，唔好畀佢停！香港迪士尼樂園今個農曆年，將全園重新以百花佈置，仲有新角色、新食物、新紀念品應節，就趁今個新年大假，或遲啲中國情人節元宵佳期，跟春天來個最後擁抱！
香港迪士尼百花盛放
4大必玩新意
- 百花盛放全園影相位
由即日至3月8日，香港迪士尼樂園內各個園區都會變得繁花似錦，在城堡前，有迪士尼各角色為造型的花卉佈置，而一眾迪士尼朋友，包括米奇、米妮、唐老鴨、黛絲、高飛、鋼牙奇奇、大鼻帝帝及迪士尼小熊Duffy將一起換上全新以春日繁花為設計主題的賀年服飾，聯同首次與大家歡度新歲的ShellieMay與大家過節。
全園最靚影相位絕對係城堡對出的花圃，有全新裝的米奇、米妮，仲有旁邊的高飛同鋼牙奇奇場景，都係期間限定。
全園以鮮花盛放佈置，周圍都係影相位，但主要集中在美國小鎮大街。
- 捕捉野生迪士尼朋友
去迪士尼當然唔少得同迪士尼卡通人物影相，新春期間米奇、米妮、唐老鴨、鋼牙奇奇、高飛等，還有最近才正式來香港迪士尼的迪士尼小熊Duffy，隨時在園區出沒，想跟他們影相，排隊是少不免，春季新裝又是期間限定。
各位卡通人物會輪流在各固定地點，企定定跟大家影相，同樣也是主要在美國小鎮大街一區出沒。
- 過節特色美食
過年過節，美食不能少。樂園及兩間迪士尼樂園主題酒店為大家準備了多款節日美食，傳統、新派都有，部分造型更甚有特色，大家醫肚之餘也可以相機先食！
美食第一站，建議先到美國小鎮大街的市集餅店，試試造型可愛的糕餅。
花花世界，就是棉花糖朱古力特飲！(冷飲：HK$68，熱飲：HK$58)
這兩款叫年年有餘，就是吞拿魚或紅豆包，兩條魚造型都唔同！(HK$48)
花開富貴。內面是紫薯。(HK$38)
造型最別緻的大吉大利，是吉士包。(HK$38)
玩到餓，係時候去探險世界的河景餐廳，來一客河景迎新春團年盆菜套餐，足四位用，已包括粟米海皇羮 (四盅)、新春團年盆菜（有茄汁鮮蝦、燒雞、鮑汁燜豬手、蓮藕燜排骨等11款材料)、白飯四碗、以及中式熱茶。（HK$688一份，四人餐，另加一服務費）
- 新春限定版紀念品
去迪士尼，當然唔少得買精品。新春期間樂園推出多款充滿春日特色的迪士尼禮品，更推出首次以新春服飾亮相的ShellieMay毛公仔，還有好朋友米奇、米妮及迪士尼小熊Duffy和ShellieMay款式的禮品，還有新推出的羊年主題鎖匙扣及限量版徽章，夠晒應節好意頭。
各式米妮米奇曲奇禮盒及朱古力禮盒（HK$128~HK$158），造型已經甜到漏。
賀年服裝，平時去Party著都得！（男裝紅色HK$198，女裝粉紅色HK$248）
當然唔少得過年限定服裝的12吋迪士尼公仔（米奇米妮各HK$238），其中以迪士尼小熊Duffy最少見（Duffy和ShellieMay各HK$288）。
Model Maggie聲稱每次來迪士尼都跟鄧梓峰（誤）影相，今次竟然又畀佢遇到，當然要來個新春合照！
其他園區和迪士尼人物雖然未有換上新裝，但依然進駐各區，大家隨時捕獵！