相信會睇呢篇文嘅大部分人都一定有接觸過模擬器，不過我哋玩得開心，啲遊戲廠見到就好唔開心，其中任天堂甚至係最維護自家版權嘅廠商。而喺今年 7 月就有一對夫妻俾任天堂提告侵權，最終需要賠償超過 1,200 萬美金⋯⋯
事緣呢對夫妻實際上之前係經營「 LoveROMS.com 」同「 LoveRETRO.co 」兩個網站，其中係有提供任天堂旗下作品嘅 ROM 俾人下載，甚至係有營利。任天堂喺今年 7 月就向亞利桑那州聯邦法院提告，指以上兩個網站侵權。坦白講，面對最強法務部真係冇勝算可言，呢兩公婆都淆底即時認罪，並且即時關閉其中一個網站，而另一個就冇再提供任天堂作品嘅 ROM ，現時兩個網站都已經關閉。經過幾個月嘅協商，雙方最終達成協議，呢對夫妻要向任天堂支付 1,223 萬美金（約港幣 $9,659 萬）賠贘。不過有傳呢個數只係做俾人睇，嚇下其他有提供 ROM 下載嘅網站，實際嘅賠償金額係細好多。
