唔知幾時，有人將美國總統講：「Ask not what your country can do for you, ask what you can do for your country.」改成別問女友能為你做甚麼，問自己能為女友做甚麼。諗唔到應該做甚麼？HKT 呢個情人節廣告套餐，好霸氣呀！
HKT 幫旗下各項服務的獎賞計畫 The Club 會員搞咗套廣告套餐，Sell咩？都係Sell有幾多「愛意」同埋 Sell 自己啦。個計畫係咁，到時你可以帶埋你個 BB 豬去到香港摩天輪，選定你想要嘅背景（有三個選擇），之後你仲可以同你嘅 BB 豬情人留低愛的宣言…Very Romantic！之後就可以喺摩天輪中間果塊 LED 屏幕中顯示。 2 月 13 號同 14 號，總共會有 6 個時段（每個時段 1 小時），留言將會於您所選擇的其中一個時段內顯示三次，每次維持一分鐘。
成個套餐，收 $3,888 ，包你喺指定的時段內享受一次雙人 The Wheel 旅程，有咁正嘅旅程，又點可以無情人節禮物呢？（呢個先係重點）個 Package 仲會包埋你三張優惠券，包括 30% 折扣購買指定 agnès b. DÉLICES 的情人節朱古力、15% 折扣購買指定 Gift Flowers Hong Kong 情人節鮮花和 HKD800 謝瑞麟珠寶現金劵。
星級版都仲有個 $4,888 套餐，主要勁在雙人 The Wheel（私人包廂），同埋多張 Sense of Touch 雙人水療或按摩療程 15% 折扣優惠。所以話愛情是盲目的～為嘅都係希望係得到 BB 豬好似凌凌漆咁同你講句：You are very romantic！