1萬部手機要賣幾耐？樂視：1秒

人類對速度嘅追求係無止境嘅。你以為每次都輪唔到米，一分鐘唔夠畀人搶晒啲米已經夠不可思議？樂視今日首次在網上開售旗下兩款手機現貨，1 萬部 樂 1 Pro 定價 2,499 元人民幣起；官方指短短 1 秒內就售罄。係 1 秒。我當堂嚇一跳。而定價 1,499 元人民幣起嘅 19 萬部樂 1，亦於 3 分 46 秒被搶購一空。

官方亦特別提到，樂 1 及樂 1 Pro 量產版早前在大陸的預約量達 1,000 萬個。由電視轉戰手機業，樂視似乎信心爆棚，「在短短一個月時間，就創造了工程機預約和售罄紀錄，並刷新業內旗艦機首日預約量、預約總量、首發售罄等多項紀錄。」點解會咁？可能人有多大膽，機有多快搶掛……唔知下次再開售又會幾快就搶晒呢？ 0.1 秒？