本來玩 Soundbar 就係希望用最簡單嘅設置達到多聲道效果，不過受制於 Soundbar 本身採用的單元數量、反射效果，以及家居環境的限制，後置聲道的表現確實會有所不足，若然可以為 Soundbar 加入後置喇叭就更為圓滿。
對於家中無位玩 AV 擴音的朋友，巴頓一向都好主張玩 Soundbar ，不過想效果再好啲，其實後置喇叭真係唔少得；問題是並唔係所有廠商都有為 Soundbar 配套後置喇叭，而 Yamaha YAS-408（MusicCast BAR 400）Soundbar 就可以配一對 WX-021（MusicCast20） 無線後置喇叭嚟增加環繞聲效果。
YAS-408 有 3D 立體音效，本身就跟咗無線超低音喇叭少咗走線嘅煩惱，而且仲支援 Wi-Fi 、藍牙同 Spotify 音樂串流，加上 MusicCast Surround 功能，可以外加同廠 WX-021 無線後置喇叭，增強整個包圍感，將整個環繞聲空間更完整還原。
另外， WX-021 除咗可以做後置喇叭外，仲可以單獨當藍牙喇叭使用，一機兩用更抵！家陣通利琴行門市及通利琴行網上商店做緊優惠， YAS-408 Soundbar 同一對 WX-021 無線後置喇叭原價 $7,978 ，減價後 $6,888 就買到，平咗成千蚊，優惠做到 1 月 31 日咋！同場仲有款 EPH-W53 藍牙入耳式耳機有減價，原價 $899 ，減價後 $599 都平咗三舊水。
查詢：通利琴行 ( 2762 6900 )