由於數碼技術的發展，觀眾在大銀幕上看到的電影畫面幾可亂真，亦因為呢個原因，大家睇災難片已經冇咗果種好投入好緊張嘅感覺。巴頓自從十幾年前睇過《明日之後》就開始對災難片冇太大興趣，而今次講嘅呢套《 2012 》當初巴頓都無入戲院睇，只係買 Blu-ray 回家睇。
至於今次美版 4K UHD 版本嘅《 2012 》，畫面上巴頓的確有點兒失望，因為 4K HDR 畫面並不算是大幅改善，雖然解像度、光源及顏色的還原度確是有所提升，但黑位及層次改善不明顯，而且在一些動用大量 CG 的場景上反而欠缺了真實感。雖然畫面未算突出，但 Dolby ATMOS 音效就充滿驚喜，甚至達示範級別。由於天災場景的音效是全方位性表現，因此正好活用了空中聲道的特性，直升機、小型飛機及飛鳥的逃難連貫性強，山崩地裂的包圍感定位準確，電影後段現代方舟的海水洶湧量感都細緻地呈現，絕對可以令家庭影院的觀眾大呼過癮！
