驟眼睇呢個 Adam Elements 新出嘅充電座，同市面上一般座枱式充電座無乜分別咁，不過睇真啲就會發現原來內有乾坤，充電座機關重重，一個充電座屋企用得，又可以拆出嚟帶出街用，又睇吓呢個 Mag 5 充電座有乜咁架勢？
Mag 5 充電站可以話係專為 iPhone 用戶而設，充電座有一舊支援 MagSafe 嘅流動充電池，底座上有 AirPods 充電區，背後有一個可拆式嘅 Apple Watch 充電器，仲提供一個 USB-A 有線充電插頭為其他流動裝置充電，而底座亦可為流動充電池充電，夾夾埋埋就變成呢個 Mag 5 充電站喇。
呢個充電座其中一個特別之處，就係並非直接為 iPhone 充電，而係先裝上流動充電池，再將 iPhone 放到流動充電池上面充電，如外出時需要流動電池亦可拿起帶走，呢個流動充電池內置 5,000mAh 電量，只重 151g，並有個無段式支架，方便放響枱面睇片用，流動充電池除支援 MagSafe 外，亦提供一個 20W USB-C 有線快充，即可同時為兩部手機充電，
另一個可拆出嚟用嘅就係後面嘅 Apple Watch 充電器，呢個充電器用咗 USB-C 插頭，有需要時可以拆出嚟帶走，支援全線 Apple Watch；而充電座本身有一個 AirPods 無線充電區，只要將 AirPods 放響度就可即時充電，加上 USB-A 提供多一個電源輪出，除用作充電，亦可接駁枱頭 USB 風扇、枱燈之類小電器。
Mag 5 已通過 CE、FCC、RoHS、BSMI、NCC 等五種品質、安全認證，官方亦會提供 1 年保固；售價方面，Mag 5 原價 HK$1,025，現時預售價為 HK$760，預計 6 月底出貨。
網址：https://adamstorehk.myshopify.com