Apple Watch 自推出以來一直都受潮人追捧，月前仲同法國名牌 Hermès 聯乘，推出皮革三款表帶，今日正式在香港上架，三間 Apple Atore 及中環 Hermès 都有得買。不過話晒係奢侈品牌， Hermès 皮革選料有保證，加埋法國人手製作，價錢梗係有返咁上下。最平嘅 Single Tour 38 mm 表殼款式就已經要 $8,888 大元，42 mm 表殼要 $9,288；Double Tour 只有 38 mm 表殼，定價 $10,088；而最注目嘅 Cuff 款更加盛惠 $12,088。但係畢竟仍然比 Apple Watch Edition 平一大截，為咗愛馬仕，你可以去到幾盡？仲有，唔好以為有錢就有得買，因為 Cuff 款暫時喺各大 Apple Store 都未有現貨，Double Tour 都唔係隻隻色有貨，聽精靈講最好賣係 Bleu Jean 藍色表帶，襟睇襟襯。想買就趁手啦！
| 試戴 Cuff 款表，粗身皮表帶再配埋 42 mm 表殼，手腕纖幼少少都承托唔起，女生可能真係要試一試效果先好買。如果諗住買一款嚟送畀愛馬仕小姐，建議揀返 Double Tour 或 Single Tour 一類 38 mm 表殼款式。 |
