新一季英超就開咧喇，球迷又可以喺 Now TV 個個禮拜睇直播捧愛隊場，不過開咧前記得玩埋「Fantasy League」，將現實比賽融入遊戲中，實行全身投入新一季嘅英超賽事！
要玩「Fantasy League」好簡單，只要下載《Premier League》官方 App 即可，App 入面有個「Fantasy」頁面，玩家可以響每個比賽日嘅截止時間前，自組心水陣容，如果你未玩過嘅話唔緊要，係咁易介紹點玩先啦。
其實「Fantasy League」嘅玩法好簡單，一開始時先組軍，然後每個禮拜會根據比賽日，所揀球員表現而獲得分數，遊戲開始時玩家會有 £100M 資金比你組軍，可以招攬最多 15 位球員，包括 2 位門將、後衞及中場各 5 位，以及 3 位前鋒，有少少嘢要留意嘅，就係球隊內唔可以有超過 3 位同一球會嘅球員，咁玩者就要好好善用資金，組成最有機會得分嘅球隊喇，而每個比賽日，玩家所揀嘅球員有上場、有好表現，就會幫玩家取得分數，其中隊長有出場嘅話分數仲會加倍，睇吓邊隊最 Fantasy 喇！
咁究竟點樣可以更精準咁掌握唔同球員表現嘅數據呢？其實只要睇 Now TV 嘅英超直播就緊貼球員狀態，而上季開始，Now TV 更引入咗英超數據領域 Data Zone，每個比賽周都有一場直播賽事喺 622 台會提供 Data Zone 資訊，響直播期間畫面旁邊會有球隊、球員嘅實時更新資料，球迷、玩家一路睇住直播，就可以一路獲得即場數據喇。
而「Fantasy League」玩家所揀嘅球員有入球、助攻、撲救等，球隊就會加分，比賽日完成後，就可以睇吓邊位玩家夠眼光，可以攞到最高分數。唔止咁，贏咗呢個遊戲仲會有獎品㗎，成個賽季嘅頭獎獎品包括兩場 25/26 英超賽事 VIP 貴賓房睇波、酒店住宿、名錶等等，仲有其他獎項如 FPL Cup 勝出者、Second Chance League 勝出者都有豐富獎品，甚至每月、每週都有 Manager of the Month 及 Manager of the Week 獎項，睇吓你又可唔可成為 Fantasy 球迷喇！
作為英超球迷，每個禮拜唔止有齊咁多場英超賽事睇，仲有得玩 Game 考眼光，就真係要裝齊英超官方《Now TV》App 同《Premier League》，玩住撐愛隊！
