 |  |
用 Google Maps 搵路時，大家都可能會想順便知道附近有咩好去處，不論係餐廳 Cafe 定展覽，唔使再周圍上網搵資訊。最近 Google Maps 就試行在 Google Map 入面加入新功能「Local Guides 在地嚮導」，全球用戶可以分享個人景點評論；而每次撰寫評論仲可以賺取積分，有得換 1TB Google Drive 雲端儲存空間同搶先測試新產品添！
 |  |
登記成為「在地嚮導」後，就可以透過 Android 或 iOS 最新版本的 Google Maps 撰寫評論。同其他餐廳評論 App 相似，在地嚮導可以為一個景點提供個人評語、相片、星級評分、開放時間、地址及電話等資訊。Google 方面建議，相片必須同商家有關，請勿使用自拍照；評論內容亦力求公平公正，可以批評，但唔接受打手嘅評論，亦唔應該用嚟換取免費贈品或特殊待遇。
 |  |
| 更新Google Maps後會見到多了「Your Contributions」一欄。 | 點選可以睇返自己寫過嘅評論同已獲積分。 |
每次撰寫評論、上載相片、新增景點、更新景點資訊或提供額外資訊等，均可以獲得一分積分；換言之新增一個全新景點嘅評論，已經有五分。Google 為在地嚮導提供不同的「福利」，分為五級制，0-4 分為第一級，可參加 Google 主辦的研討會和 Hangouts；5 – 49 分為第二級，即搶先體驗 Google 新產品和新功能；50 – 199為第三級，有徽章作記認，可主持「在地嚮導」社群頻道，並可參加 Google 舉辦的活動；200 – 499 為第四級，免費升級 Google Drive 至 1TB，仲送你年度謝禮；至於 500 分以上為第五級，可以成為 Google 內部人士，在產品公開發表前搶先進行測試，正呀喂。
想即刻登記，可以按此，記得仲要更新埋 Google Maps 呀。