由年中開始，Star Wars 勢力不斷升溫，玩具、遊戲到今日仲出埋 Notebook，講緊係呢部 HP 同迪士尼、 Lucasfilm 合作推出的電腦，唯一的星戰別注版手提電腦今日正式賣街。
Star Wars Fans 眾多就係人都知，講到出產品更加係多樣化（日本連蛋糕都有），香港推出呢部 Star Wars 星球大戰別注版電腦，如果作為 Fans 就一定會留意，其實講多都無謂，今次都係大量圖集等大家慢慢睇清楚裡裡外外。
別注版由外盒到內裡放火牛的盒都設計仔細，長方形硬盒適合 Fans 保存，另外上圖可見，連平日用來保護機身的包裝發泡膠，都特登設計成戰機的形態，都算俾足誠意啦。
別注版少不免會有齊 Star War 的元素印在機身上，今次機身的設計靈感來自銀河帝國，機面營造出飽經戰爭的撕裂圖案，邊緣的骹位部分印有以 Aurebesh 字型的 「Galactic Empire」字樣，打開機面後則有白兵頭像。就連 Touchpad 上的都有以 X-Wing Star Fighter Guidance System的瞄準系統，Fans 有咩辦法抗拒？！
 |  |
睇完機身當然都要知道一下個「內涵」啦，系統採用Windows 10，內置最新代號 Skylake 的 i5-6200U 處理器，具有 8GB 記憶體及 1TB 容量儲存，機身為 15.6 吋，擁有 IPS 全高清屏幕，同時配備 NVIDIA 940M 顯示及 B & O Play Audio 音效。
周邊連接方面提供 LAN、802.11ac 及藍牙連接，還保留了 DVD Super Multi 燒碟機，機身上還有 1 個 USB 2.0、2 個 USB 3.0 及 1 個 HDMI 輸出。不過相信對這部有機興趣的話，硬件夠用就夠，還有其他更吸引 Star Wars Fans 之處…
 |  |
機身的外觀採用了 Star Wars 的設計之外，內部系統中同樣提供全面的 Star Wars 元素， Wallpaper、特別為此機製訂的主題當然不能缺少，所以在開機，連接 USB 周邊時都會見到有不同的聲效及圖示；另外在機中更會有部分漫畫、製作過程、預告片等檔案，更誇張的是在機中加入了 Aurebesh 字型，如果你有朋友同樣達到呢部機，可以同呢個字型傾密計都仲得，詳細方面文字比較難交代，睇睇以下片段相信大家就會更加清楚！
訂製系統介紹：
今次這款別注版已經開始發售，價錢為 $7,699 港元，於現時至明年 1 月 17 日購買，更會送有 Star Wars 別注滑鼠及機套。
官方介紹：