上班族朝朝都「呢咁 Hea 」，出到門口先知漏低銀包鎖匙電話，分分鐘好大鑊！筆者發現 Indiegogo 上面嘅初創產品 iKON Stacker 失物追蹤器就最啱長期處於忙亂狀態嘅大頭蝦嘞！
iKON Stacker 體積小小，利用 iKON App 將佢同自己部電話同步之後，就可以將佢放喺隨身物品，例如手袋、銀包等。若果趕住出門口搵唔到呢啲物品，就可以用電話追蹤，喺 70 米範圍內，iKON就會發光同發出聲響。如果唔見電話，亦可以按一按追蹤器，電話就會隨即發出聲響，唔使借人地電話打俾自己咁傻豬豬啦！
另外，用家可以 Set 返個 Geo – Fencing，當你同個人物品分開一段距離，電話就會發出提示，咁就唔怕出咗門口先發現漏低野啦！若果真係不幸喺街外唔見貴重物品，仲可以開啟 CrowdFind，號召附近嘅 iKON 用家同你一齊定位失物添！
其實市面上都有唔少呢類為大頭蝦而設嘅電子追蹤器，但好多時都設定到你個人稍稍同件物品分開，追蹤器就會呼叫，都咪話唔煩！而 iKON 嘅 Silent Zone 功能，就可以自訂靜音區域，相對地 User friendly。iKON 嘅另一樣吸睛賣點，就係可以充埋遙遠自拍控制器，多人自拍就再唔使伸到隻手直哂咁辛苦啦。產品而家仲喺集資階段，大家不妨上 Indiegogo 支持一下。
[ot-video][/ot-video]