自從 Apple Watch 公布咗之後，大家一直都係討論緊佢最貴嘅一款近 $130,000 手表身價何在，可惜係 Apple Watch 貴就夠貴，不過貴氣就唔多夠。要戴得出大場面，不如考慮下呢隻專畀 iOS 用嘅智能表。
最近腦場就返咗款「好嘢」，呢款 Withings 表面睇佢一啲都唔智能，反而似傳統手表，但係佢係法國設計，瑞士名師製造，用埋藍寶石表面同 316L 鋼表身、小牛皮表帶，貴氣盡露。只要連上 iOS，就可以做監察步數、卡路里、分析睡眠周期等功能，最緊要同普通手表咁，唔使日日充電，一粒電可以用八個月，個價成四千蚊，你買隻鐵達時都無咗啦。
查詢：Smart Digital（9028 6078）