上回筆者就於關西機場落地開始日本之旅，幾日遊歷完大阪與京都不同景點之後，就準備北上去東京。在東京時筆者亦會試試現時漫遊數據在實際應用，以及速度上有如何表現。
由於筆者打算直接由大阪移動到東京都心，因此選擇了乘坐新幹線而非內陸機，也順度試試 SmarTone 5G漫遊數據在新幹線上使用會有什麼體驗。筆者於車上睇高清 YouTube 片時可以輕鬆向前向後「飛片」，即時載入毋須等待之外，將 SmarTone 5G漫遊數據以 Tethering 方式分享至 notebook去瀏覽網頁或check email，速度反應都有不錯表現。
終於來到久違的東京，筆者有不少地方想去，迪士尼是其一，亦想去新宿新地標Shibuya Sky睇睇，當然不少得去原宿、銀座搜羅好物，以及去築地場外市場食個 brunch 等等。先去築地場外市場食個蓋飯做早餐兼買少少手信，購物時用 Google 即時翻譯睇睇有什麼賣點，用SmarTone 5G漫遊數據一Load 即出中文內容，毋須再花時間盲摸摸研究。
食完早飯就到高 229 米的 SHIBUYA SKY 展望台，以 360 度方式無死角俯瞰東京靚景，此時用SmarTone 5G漫遊數據影靚相再上載到 Facebook 或 IG 吸Like，使用體驗同香港用 5G 一樣又快又順。再到東京必去地點之一原宿，兩年沒來，當然要拍低實況比朋友睇睇現時原宿變成怎樣啦！用SmarTone 5G漫遊數據於WhatsApp 傳送影片出去，速度之快，與以前使用4G 漫遊數據的確有頗大分別。
在大阪時有去環球影城，到東京當然要去埋 Disneyland玩，仲要入手日版 Linabell 先至完美。入園想用盡時間玩唔同遊戲，就要用App睇準時間排隊，又或者book檯食飯，此時即場下載《Disney Resort》 App 即用，玩game時間同有冇地方食飯就一清二楚。玩完再渣車出市區繼續掃貨，用SmarTone 5G漫遊數據配合 Google 地圖導航，搵路輕鬆快又準。
來到這裡，筆者的日本之旅已達尾聲。今次於日本關西、關東不同地點，試試SmarTone 5G漫遊數據在實際應用上有什麼表現，得出的體驗是速度與反應都相當快，即使每日 1GB全速數據用盡而變為 512kbps 無限時，限速後的體驗不算慢，亦可亦可以 $30 加購 1GB 全速數據繼續使用。
值得一提是今次筆者雖然去日本，但買了 7 日環球版「漫遊數據多日通」用，除了抵埗當天可免費使用漫遊數據外，亦可在航機上用漫遊數據上網，相當方便。