上回講到，樂視今日喺北京舉行發布會，但發布嘅產品唔係電視，甚至唔係手機，而係智能車！令觀眾大跌眼鏡。既然有智能車，當然要有相關配套；樂視一不做二不休，一口氣推出 LeUI 系統及 LeUI Auto 版，支援智能車、電視、手機等多屏連接，大玩無縫連接體驗。
 |  |
LeUI 系統主要由 LeUI 及 LeCloud 兩部分組成，透過雲端提供統一用戶體驗。LeUI Auto 版為智能車而設的一套 UI，樂視更標榜為「中國第一套智能車 UI」。發布會上，樂視祭出 Auto Lite 版先試水溫。LeUI Auto Lite 版採用多點式觸控設計，支援體感動作操控，輕輕揮手便能操作；同時亦支援智能語音功能，如查詢天氣、導航、音樂播放等等。設計人員強調，UI 的設計是要避免分散司機的注意力，保障駕駛安全。
 |  |
 |  |
同樣，UI 具備基本的地圖導航功能，實時更新路況數據；地圖甚至加入社交功能，可以與朋友組成出行群組，實時對話。透過 UI 內置的汽車服務，用戶亦可以監測油耗、查詢違章等等。透過雲端，用戶甚至可以利用手機或電視，遙距監察車輛位置、控制車輛等等，聽落又幾方便。
 |  |
LeUI Auto Lite ROM 版現已推出，今日起招募內測，2 月 3 日開放下載；App 連車載套件版則要稍後推出。有架「外國勢力」智能車的話，都可以考慮試一試加埋「中國第一套智能車 UI」會有咩效果丫。