一路以來都好多報導話機械人加 AI，可以取代人手實行唔同工作，最近連 SmarTone 都係咁諗，特別引入機械人同客戶進行互動，帶來更有趣體驗。不過咁，機械人一出，豈不是前線員工會有難？
[row][double_paragraph]
[/double_paragraph][double_paragraph]
[/double_paragraph] [/row]
話說情人節當日，SmarTone 舉行「 SmarTone Robotics 起動 」活動，呢個活動係介紹新服務，不過就唔係什麼新 Plan，而係同大家介紹他們引入了智能機械人 NAO 同 Pepper 同客戶進行互動溝通，同場更有人氣女神 Lilian 同 NAO 跳舞，而佢都話 NAO 夠 Cutie！咪睇 NAO 佢的的骰骰，其實佢動作靈活，仲具備智能對話及即時互動功能。至於 Pepper 身高似小朋友，但佢亦「知識豐富」，大家去到 SmarTone 指定門市同他們對話，就會為大家推介最新服務、上台優惠及最新手機配件等，多國語言都難不到它們。
前面講到話指定門市先見到，咁究竟佢地會在哪一區現身呢？據 SmarTone 表示由即日起至 3 月 13 日可到 SmarTone 位於 apm、ifc 及沙田新城市廣場三間門市同 NAO 見見面，稍後 NAO 亦會於 SmarTone 其他門市與客戶交流及互動。有智能機械人坐鎮，前線員工咪唔駛做？據 SmarTone 市務及銷售部主管林寶彤表示，引入智能機械人係希望透過它為客戶帶來更多的互動及更大的樂趣，以提升整體客戶體驗，而 SmarTone 產品開發及業務發展主管管紀東表示，智能機械人用於令顧客有另一種服務體驗，前線員工當然會繼續為客戶提供貼心合適的服務。
另外，由即日起至 3 月 13 日，凡於指定時間到上述三間 SmarTone 門市同 NAO 玩 selfie，並上載至其 Facebook 及打卡，即可獲贈手機配件 85 折優惠券及 NAO 精美貼紙。若客戶同時上載相片至其 Instagram，並 hashtag 「 #SmarToneRobotics 起動」，更有機會贏取 Casetify x NAO 限量版手機殼乙個。