相比用 Google TV 又要登入，又要安裝 App ，用手機或平板「飛畫面」到電視也是不錯的選擇。不過要留意，畫質一來會受到網絡影響，同時最多只有 1,080p 畫質，如果只是純粹想睇到戲，畫質差少少也不介意的話，這可能是更佳的選擇。
至於支援的電視，若電視本身規格不低或不太舊，很多都已內置有類似功能，若果只有電腦屏幕或家裡電視不是 Smart TV ，無這類功能時就要買一隻類似 Chromecast 的串流手指。目前由 Google 出品的 Chromecast 產品約賣 $300 左右，售價比 Android 播放器甚至 Google TV 都平，單純用來駁手機播片已經好足夠又方便，也可以防止小朋友日睇夜睇，因為個 App 安裝響父母部手機，家長較容易安排小孩幾時睇 Disney+ 。