就快到年尾旅遊高峰期，今個月開始好多朋友都開始要睇定數據卡，準備出行，而最近 AIRSIM 在其日本 Softbank MAX 計畫上作出升級，公平使用條款由以往每天使用 1GB 上限，加倍至 2GB，在旅程上的用量應該會更加好使。
如果大家唔知咩係 AIRSIM，好快咁同大家簡介一下，AIRSIM 係香港出嘅一張數據加通話卡，主要旅遊使用，可以覆蓋超過 130 個目的地，每次去旅行可以重複使用，唔需要實名登記。買卡後 Download 《AIRSIM》應用程式，就可以揀選購買適合的旅行計畫，抵埗後開啟該卡的數據漫遊就可以上網。AIRSIM 比坊間數據卡多一個功能，就係可以講電話，出發前預先飛線，到達目的地就可用《AIRTALK》App 接聽或者撥打電話！每次購買數據方案都會送 30 分鐘 AIRTALK 漫遊通話。
而今次所講嘅係 AIRSIM Softbank MAX 計畫，因為 AIRSIM 有提供日本 Softbank 同 Docomo 無限數據 Plan，過去的 Softbank MAX 無限數據只有 1GB，超過上限就會降速，對於現時 5G 應用嚟講的確不足，所以官方今次將數據用量加倍至 2GB，之後才會降速至 384Kbps。以 5 日計算 $110，即每日 $22，有 2GB 每日用都算合理。
而 AIRSIM 都可以透過 App 去再增值購買其他方案，對於日後要去其他地方如澳門、國內、亞太地區、歐美都可以買得到，儲起張卡下次再用就夠方便。
售價：$98起
查詢：：PlayIT.hk（按此）