MIRROR 今個月尾就於紅館開騷，成團後第一個紅館演唱會，當然要做勢預熱。本地串流音樂平台 MOOV 就與 MIRROR 聯乘，於銅鑼灣時代廣場主辦「 BABY MIRROR WE ARE 」主題活動， 12 子變身卡通角色有大量打卡位，更可以在期間限定 Pop-up store 入手裝滿 BABY MIRROR 迷你粒粒的玻璃樽。
即日起至 8 月 8 日的 MOOV 與 MIRROR 聯乘限定主題活動，分為兩大區域：地面露天廣場設置的大型展覽《 BABYMIRROR Photo Zone 》有大量打卡位，可以一次過同 12 子多角度 Selfie ；二樓中庭則有期間限定 Pop-up store ，可選購 BABY MIRROR 限定精品，當中最吸引一定是入場人士可以在即場揀選自己喜愛的 BABY MIRROR 迷你粒粒裝滿玻璃樽帶回家，每樽價格為 $340 ，若選購兩樽即可隨機獲贈 BABY MIRROR 限定卡套一個連小卡一張，數量有限，送完即止。
今次 MOOV 與 MIRROR 聯乘限定主題活動不設現場派籌，想去就記得於 Klook 免費預約指定時段入場了。
