Uber 新玩法，變身 Ubus？

Uber 玩法向來多多，繼之前宣布的 UberPool ，變身「泥鯭的」之後，又計畫推出一個名為「Smart Routes」的玩法，今次打算變身巴士，在指定地點接送，可享優惠。

今次的計畫只是計畫在三藩市內，挑選 2 條重要的街道，分別是 Fillmore Street 及 Valencia Street，作為指定的接送點。只要在叫車時選擇在綠色線上作接送點，Uber 會減收 $1 美金或更多，視乎夾唔夾到人一齊坐「UberPool」。

程式會提示你「Smart Routes」位置，在綠線的任何一點上車可享優惠。

其實行幾步就可慳少少車費，司機又慳啲油同時間搵接送點，都算幾方便。無奈只有三藩市有呢個服務。至於香港，連 Uber 都未知可唔可生存嘅時候，呢啲新玩法，算把啦。