每年 9 月，大家都會問升唔升級新 iPhone 好，答案永遠都係：「睇自己啦」，答完等於無答！其實同每年問玩 FIFA 定 Winning（eFootball PES 2020） 一樣，問你今年買邊隻？除咗「睇自己啦」，都仲可以有另一個答案！就係「Why not Both！」鬼唔知咩…就算真係俾你有錢買晒兩隻 Game，就算大家真係有咁多時間玩，大家可能情願煲死一隻，有多餘錢課金抽下球員好過！
所以筆者就唔會話叫大家應該揀邊隻喇，要點揀？每個玩家各自都心裡有數，所以今次初步試玩完兩款遊戲之後，將遊戲中的改進位，又或者啲必玩重點，分兩篇文同大家分享下！（想知 FIFA 有咩新玩法可以睇呢邊）
Winning 旁白愈做愈出色
玩 Winning Eleven 玩到大，如今繼續支持《eFootball PES 2020》大有人在，其中一個原因當然係情意結！！！而伍家謙和 Keyman 兩位作為遊戲中的「講波佬」，為大家帶來既親切又生鬼嘅廣東話評述，絕對係遊戲最重要一環，而且有過去幾年經驗，加上數據庫不斷累積，令到整個旁白效果好似現場講波嘅感覺。
Matchday 比賽日的場外焦點
今次在 PES 2020 中，加入全新模式 Matchday，筆者個人覺得這個 Matchday 跟遊戲名稱 eFootball 都有相當關係，事關今年 PES 2020 希望將遊戲加入更多電競元素，而其中 Matchday 便可以將全遊戲玩家眾集一起，Matchday 每周會有不同活動，亦會在每周特色賽事戲碼中選出一場，再於遊戲中經過挑戰，選出兩隊代表中的 1 名玩家進行網上對戰，其時全球玩家亦可以同一時間觀看該場對賽，以賺取獎勵。
Matchday 在比賽日以外都會有特別活動，玩家要多加參與，因為參加 Matchday 的話，會得到不同的 My Club 獎勵，相信對於之前玩開 Winning 的朋友，應該對 My Club 並不陌生，遊戲跟 FIFA 中的 Ultimate Team 有點相似，亦都是對遊戲廠商重要的「課金位」，所以如果在 Matchday 中有獎勵的話，玩家相信亦都樂意投入更多。
真實球會、波衫、球事更新
玩得 Winning，大家都會明白版權的問題，令到遊戲預設的真實程度不及 FIFA，幸好遊戲可以俾玩家多加創造，讓大眾自行將真實球會、波衫、會徽、賽事都一一匯入到遊戲之中，而香港其中一個 Winning 玩家眾腳地 Winning Eleven Hong Kong（FB 專頁：按此），更是其中一個匯集球會、波衫、球事資料的創作者，令玩家可以容易在遊戲中體驗真實內容。
真實球會、波衫、球事更新示範
至於其他元素方面，PES 2020 繼續會保留傳統的 Master League 及一球成名兩大模式，而在 Master League 中，玩家可以扮現不同舊日名將如告魯夫或馬勒當拿等進行轉會或出席記者會答記者問題！
